Op 1 Junie 2022 word ons droomhuis in ons naam geregistreer en het ons een maand om verbeteringe aan te bring voor ons met ons drie dogtertjies van 1, 6 en 9 jaar kon intrek. Binne 4 weke breek ons al die teëls uit en verf die hele huis – binne én buite. Ons gebruik manne van die omgewing en bou wonderlike verhoudings. Ons trek in met verwers nog in van die kamers, maar ‘n jaar later is ons projek voltooi, muurpapier geplak en ingerig met dekor soos ons nog altyd van gedroom het. Intussen ontdek ons ons groen vingers en omskep die groot erf in die Bosveld in ‘n pragstuk. Dit was die lekkerste jaar en die grootste voorreg! Ons geniet elke oomblik in ons huis.