Die projek het begin nadat dit onder ons houtvloere in die huis begin muf het as gevolg van waterskade ná die reënseisoen. Ons het dadelik besluit om ʼn plan te maak, en ook besluit op die moderne sementvoorkoms. Die meubels is gemaak van ʼn silwereik-boom wat ongeveer drie jaar gelede langs ons huis afgesaag is. Die AGA-stoof is gerestoureer nadat dit uit die huis gehaal is waar my man grootgeword het. Die projek was ʼn uitdaging en het vir ʼn tyd lank ons huis ontwrig, maar is vir seker al die ontwrigting en ook elke sent werd!