Ons het twee jaar gelede ’n eenheid in ’n meenthuiskompleks gekoop. My vrou wou graag ’n gasstoof laat installeer, wat beteken het dat van die kombuiskaste uitgehaal moes word. Dit was ’n semi-oopplankombuis, en ons het besluit om die muur tussen die kombuis en leefarea uit te breek en al die kombuiskaste te vervang. ’n Groot eiland is tussen die kombuis en leefarea gebou, wat die kombuis vergroot en baie ligter gemaak het. Pleks van kaste is laaie weerskante onder die eiland aangebring. Ons het die eetkamervenster vervang met ’n glasdeur wat toegang tot die agtertuin verleen.