Nadat ek ’n baie ou, verwaarlose karavaan gekry het, het ek en my dogter, Isleri (11), dit opgeknap – ’n projek wat ons geheel en al alleen aangepak en voltooi het. Ons het afgeskuur, geskrop, reggemaak, geverf, ge-decoupage en die gordyne self gemaak; die beddegoed het ons gekoop. Nou kan Isleri dit gebruik as ateljee om in te verf en kreatief te wees, asook om oor naweke en vakansies daar te slaap met of sonder haar vriendinne. Die skildery van die walvisse is haar handewerk.