Toe my man as produksiebestuurder by Indigo Fruit in Nelspruit begin werk, was een van die byvoordele dat ons ’n huis kry. Dié plaashuis, reg langs ‘n treinspoor, is egter stokoud; dit was vervalle en glad nie mooi van buite nie. Ek het besef dat as ek ’n mooi huis wil hê waarop ek kan trots wees, ek eie inisiatief sou moes neem om dit mooi te maak.

Ons was gelukkig genoeg om ’n begroting van R100 000 vir die opknap te hê – dit sluit in om die hele huis te verf en verskeie dele te teël. Ons is veral trots op wat ons in die kombuis reggekry het.

Wat ons in dié ruimte gedoen het:
– Deurkosyne afgeskuur
– Hele kombuis oorgeverf
– Nuut geteël
– Nuwe kombuisblad
– Nog kaste bo geïnstalleer
– Mooi dekor bygevoeg