Ons het ons motorhuis (‘n losstaande geboutjie op ons erf) in ‘n woonstel omskep. Die gebou dateer uit 1924, en daar was nog ‘n motorherstelput in die vloer van die motorhuis. Ons het van die oorspronklike hout waarmee die put bedek was, gebruik vir rakke en detail in die bed se kopstuk. Daar is ook dele waar jy die oorspronklike kleibakstene kan sien. Die bed is gebou met ekstra pakplek onderin. Binne het ons die gebou verander in ‘n gerieflike blyplek vir 2 mense; voor is ‘n houtdek gebou waar ‘n mens kan braai en die mooi uitsig waardeer.