Ons het in 2023 besluit om ons hele huis oor te doen deur die vloerplan te verander. Dit is ’n ou huis, waar die kombuis en leefarea voorheen apart was. Die kombuismure is gevolglik uitgebreek om die hele leefarea oop te maak. Omdat daar geen motorhuis was nie, het ons ook 4 motorhuise met direkte toegang tot die huis aangebou. Die hoofslaapkamer is verleng en ’n nuwe badkamer is bygevoeg. Ons het ook ’n 80 m²-kuierarea aangebou waar daar voorheen net ’n ou houtstruktuur was. Die sitkamer is ook aangebou om ’n nuwe ingang en vooraansig vir die huis te skep; die ou ingang (voordeur) is verander in ’n opwashoekie. Laastens het die hele huis se teëlvloere ’n nuwe afvlaklaag bo-oor gekry. Die projek het 8 maande geneem en het 180 m² se aanbouings behels.